EUS | CAS

MIREIA ARRILLAGA ETA MIKEL ELGEZABAL INDARTSUENAK GORLIZKO BADIAN

MIREIA ARRILLAGA ETA MIKEL ELGEZABAL INDARTSUENAK GORLIZKO BADIAN Gaur 2017ko maiatzaren 28 goizeko 10:05etan, Gorliz Badiako XI. Sprint Triatloia jokatu da, IA Sports Events eta Euskadiko Triatloi Federakuntza izan ditugula antolatze lanetan.

Irteera lerroan 344 triatleta aurkeztu dira, antolatzaileek prestatutako ibilbidea osatzeko asmoz (0,750km, 23km, 5km).

Emakumezkoak, 10:05tan abiatu dira, eta gizonezkoak 10:10ean. Lehen atalean, igerikoan, uraren tenperatura 18ºkoa izan dute eta nahiko bare zegoen. Baldintza horiekin, azkarrenak saioa bete eta boxestara abiatzen lehen trantsizioari ekiteko, batetik Leire Samaniego (12´42´´) emakumezkoetan, eta Ivan Cazorla (10´59´´) gizonezkoen mailan izan ditugu. Batabesteen arteko aldeak txikiak ziren eta, bigarren atalean zeukaten lana erabakigarria izan zitekeen.

Bigarren saioa osatzeko, 23 kilometroko lana bete behar zuten bizikleta gainean. Abiatu bezain pronto posizioak nahiko argitu dira, eta emakumezkoen mailan Mireia Arrillaga eta Irati Samaniegok hartu dute probaren burua eta gizonezkoetan, aldiz, hiru talde kide jarri dira buruan, Mikel Elgezabal, Iñaki  Loinaz eta Javier Fernández. Mireia eta Irati ondo konpontzen ziren eta erreleboak emanez, lan txukuna ari ziren egiten. Eta zer esan mutilei buruz. Hirurak talde berekoak izanez txanda eskatu beharrik ere ez zegoen. Laugarren kilometrorako, Mireiak,  Irati atzean utzi eta bakarkako lanean jarraitu du. Bestetik, hirukotean, Iñaki eta Javierrek, arazoak zituzten Mikelen gurpilari eusten. Ikustekoa zen honen gaitasuna bizikletarekin, eta pedal kolpe eraginkorra erabiliz, bere kideak amore eman behar izan dute eta T2ko sarreran minutu bateko aldea lortu du.

Azken atala geratzen zaizkien, 5 kilometro oinezko lasterketa, eta lehia, soilik, bigarren eta hirugarren posizioetarako zegoen zabalik. Mireia eta Mikelek lehen postua ia zihurtatuta zuten eta garaile azaldu zaituguz helmugan biak ere. Emakumezkoetan, ohituta gaituen bezala, atzetik aurrerako lasterketa eginez, Estefanía Gómez izan dugu bigarren, eta Itziar Portero hirugarren postuan. Gizonezko mailan, ez dira tokiak aldatu atal honetan, eta Iñaki Loinaz eta Javi Fernandez bigarren eta hirugarren tokia lortu dute.

Beraz, txapelduak zoriondu, Mireia eta Mikel, eta gogoarazi Mikelek lortutakoa asteburu hontan, Mutrikun larunbatean eta Gorlizko Badian igandean, bietan ere txapela jarri diote, nagusitazunez irabazi ondoren.

Aipatzekoa ere, asteburu hontan Mutrikun eta Gorlizen, Paul Bereciartuak durangarrak egindako lana, bederatzigarren pozisioan sailkatu ondoren bietan ere, kontuan edukita oraindik ere kadete mailan ari zaigula. Eutsi goiari Paul!!!

 

SAILKAPENAK

EMAKUMEZKOETAN

Absolutoa

1.- Mireia Arrillaga Murelaga, Garraitz Kirol Taldea. 01:17:14

2.- Estefanía Gómez Villanueva,  Independiente. 01:19:10

3.- Itziar Portero Barcena, Getxo Triatloi Taldea. 01:19:23

Junior

1.- Lide Azueta,  Mugarra Triatloi Taldea. 01:38:48

Kadete

1.- Besaide Astobiza Sánchez, Independiente. 01:28:00

GIZONEZKOETAN

Absolutoa

1.- Mikel Elgezabal Fernández,  ANB Urdaitri Motrivation. 01:06:33

2.- Iñaki Loinaz Garate, ANB Urdaitri Motrivation. 01:06:55

3.- Javier Fernández Vicario, ANB Urdaitri Motrivation. 01:07:12

Junior

1.- Beñat Ormaetxea Cibeira, Aloña Mendi K.E. 01:13:58

Kadete

1.- Paul Bereziartua Plaza, Mugarra Triatloi Taldea. 01:09:33

Info. + http://www.triatloi.org/campus/pub/clasificacionPrueba.asp?idioma=eu&idPrueba=324

HemerotecaHemeroteka