EUS | CAS

ASHLEIGH GENTLE ETA FRANCESC GODOY GARAITU DIRA ONDITZ OROITUZ TRIATLOIAN

ASHLEIGH GENTLE ETA FRANCESC GODOY GARAITU DIRA ONDITZ OROITUZ TRIATLOIAN XXXII. ONDITZ OROITUZ NAZIOARTEKO TRIATLOIA 2017/06/25 Igandea, ekainak 25, Atletiko San Sebastian Klubak, Gipuzkoako Triatloi Federazioak eta Euskadiko Triatloi Federazioak antolatuta, Donostiako Nazioarteko XXXII. Triatloia, Onditz oroituz, jokatuko da distantzia olinpikoan (1,5km – 40km – 10km). Guztira, 750 triatleta aurkeztu dira irteeran, hauengandik 88 emakumezkoak zirenik.

09:15tan eman zaio irteera emakumeen frogari eta 15 minutu beranduago, 09:30tan gizonezkoei, igeriko atalari ekiteko.

Kontxako badian 1,5km igeri egin ondoren, emakumezko kategorian, hiru australiar, Charlotte McShane, Ashleigh Gentle, eta Natalie Vancoevorden, eta Helene Alberdi triatleta euskalduna genituen frogaren burutzan, 20´eta 18´´ko lana bete ondoren igeriko saioan.

Gizonezkoetan, aldiz, lehen saioko azkarrena, 18´ eta 04´´ eginez, Francesc Godoy Rojas izan da. Honen aldamenean, eta hiru segunduaren barnean, Tayler Reid, Kenji Nenner eta Ryan Bailey aurkeztu dira T1an.

Trantzisioa egin eta bizikletako saio gogorra zuten aurretik, 40 kilometroko lana eta tartean Igeldoko igoera Oriotik gora.

Emakumezkoetan, Gentle eta McShane, saio ikusgarria egin ondoren, hirugarrenekiko bi minutuko aldearekin azaldu ziren T2an.

Gizonezkoetan, lau triatleta atera ziren T1etik buruan, eta bostgarren kilometrorako, talde hori hirura murriztu zen, Reid ez bait zen izan gai bere talde kideek markatutako ritmoa eustea. Bailey eta Nenner australiarrak eta Godoy, errelebo zintzoak emanez, aldeak handitzen zihoazten. Elkarrekin helduko zirela T2ra ematen zuenean, Baileyri, ez beharra gertatu zaio Igeldoren jaitsiera hasi dutenean. Katea atera zaio eta ezinezkoa egin zaio, martxan zihoala bere lekura bueltatzea. Gelditu beharra eduki du, eta hori ez bazen nahikoa, ordurako katea guztiz korapilatu zaio eta bertan behera utzi du froga. Beraz, bai emakumezkoetan eta bai gizonezkoetan triatleta bi arteko lehia azaltzen zaigun oinezko 10 kilometroko lasterketan, hiru bira zirkuitu bati hain zuzen ere.

Helmugan, saio eztu eta lehiatua ikusi ondoren, Ashleigh Gentle, emakumezkoetan, eta Francesc Godoy aurkeztu zitzaiguz irabazle.

 

 

SAILKAPENAK

EMAKUMEZKOETAN

1.- Ashleigh Gentle, Australia. 02:08:29

2.- Charlotte McShane, Australia. 02:10:24

3.- Natalie Vancoeverden, Australia. 02:14:00

 

GIZONEZKOETAN

1.- Francesc Godoy, FastTriatlón C.N. Montjuic. 01:55:56

2.- Kenji Nenner, Australia. 01:56:05

3.- Jon Unanue, Yepa! Triatloi Kluba. 02:02:47

 

info.+ http://www.triatloi.org/campus/pub/clasificacionPrueba.asp?idioma=eu&idPrueba=303

HemerotecaHemeroteka